Eine liebe Freundin schrieb ein Jodellied über das schönste Tal, welches es für mich gibt:
Das Lauterbrunnental!
E Guetnacht-Gruess
Wes am Aben afät duuchlen
u d`Sunne langsam under geit,
we si ihrer letschte Strahle
liebkosed über d `Bärge leit,
geit es still verhaltes Lüüchten
über Firn u Gletscher yn.
S `lyt e Guetnacht-Gruess vom Himmel
i däm letschte Sunneschyn.
Un i luege stuunend uehi
in die grossi, stilli Pracht.
Gott, wie hesch du üsi Ärde
so Wunderschön, so herrlich gmacht!
Langsam tuet dä Glanz verlösche
un i sinnen ihm so nah.
Mit was hei mier das verdienet,
so ne schöni Heimat z`ha?
We de d`Nacht uf lyse Schwinge
sech still in üses Bärgtal schlycht,
u der Mond sys silbrig Lüüchten
sanft über Fels u Gletscher giesst.
De stygt mier us vollem Härze
gross Dank zum Himmel uf.
Gott, b`hüet üsi schöni Heimat
B`hüet ou üs i Heim u Hus.
Kommentar schreiben